751. മനമേ ചഞ്ചലമെന്തിനായ്
മനമേ ചഞ്ചലമെന്തിനായ്? കരുതാന് വല്ലഭനില്ലയോ
ജയവീരനായ് ആ ആ ആ
1 നാളെയ നിനച്ചു നടുങ്ങേണ്ട ദു:ഖവേളകള് വരുമെന്നു കലങ്ങേണ്ടാ
കാലമെല്ലാമുള്ള മനുവേലന് കരുതാതെ കൈവിടുമോ? ആ ആ ആ
2 വാനിലെ പറവകള് പുലരുന്നു നന്നായ് വയലിലെ താമര വളരുന്നു
വാനവനായകന് നമുക്കേതും നല്കാതെ മറന്നിടുമോ? ആ ആ ആ
3 കൈവിടുകയില്ലിനിയൊരുനാളുമെന്നു വാക്കു പറഞ്ഞവന് മാറിടുമോ?
വാനവും ഭൂമിയും പോയാലും വാഗ്ദത്തം സുസ്ഥിരമാം ആ ആ ആ
4 മുന്നമേ ദൈവത്തിന് രാജ്യവും നാം അതിനുന്നത നീതിയും തേടിടണം
തന്നിടും നായകന് അതിനോടെ അന്നന്നുവേണ്ടതെല്ലാം ആ ആ ആ
5 നിന്വഴി ദേവനെ ഭരമേല്പ്പിക്കുക നിര്ണ്ണയമവനതു നിറവേറ്റും
ഭാരം യഹോവയില് വച്ചിടുകില് നാള്തോറും പുലര്ത്തുമവന് ആ ആ ആ
6 വരുവാന് കാലമടുത്തല്ലോ അവന് ഒരുക്കിയ വീട്ടില് നാം ചേര്ന്നിടുവാന്
ഒരുനാളുമിനി പിരിയാതെ മരുവും നാം ആനന്ദമായ് ആ ആ ആ
Download pdf