366. ദയലഭിച്ചോര് നാം സ്തുതിച്ചിടുവോം
1 ദയലഭിച്ചോര് നാം സ്തുതിച്ചിടുവോം
അതിനു യോഗ്യന് ക്രിസ്തുവത്രേ
മാധുര്യരാഗമാം ഗീതങ്ങളാലെ
അവനെ നാം പുകഴ്ത്തിടാം-
2 തന് തിരുമേനിയറുക്കപ്പെട്ടു തന്
രുധിരത്തിന് വിലയായ് വാങ്ങിയതാം
ഗോത്രങ്ങള്, ഭാഷകള്, വംശങ്ങള്,
ജാതികള് സര്വ്വവും ചേര്ന്നുകൊണ്ട്-
3 പാപത്തിന്നധീനതയില് നിന്നീ
യടിയാരെ താന് വിടുവിച്ചു
അത്ഭുതമാര്ന്നൊളിയില് പ്രിയന്നുടെ
രാജ്യത്തിലാക്കിയതാല്-
4 വീഴുന്നു പ്രിയനെ വാഴ്ത്തിടുവാന്
സിംഹാസന വാസികളും താന്
ആയവനരുളിയ രക്ഷയിന് മഹിമയ്ക്കായ്
കിരീടങ്ങള് താഴെയിട്ട്-
5 ദൈവകുഞ്ഞാടവന് യോഗ്യനെന്ന്
മോക്ഷത്തില് കേള്ക്കുന്ന ശബ്ദമത്
സ്തുതിച്ചിടാം വെള്ളത്തിന്നിരച്ചില് പോല്
ശബ്ദത്താല് പരിശുദ്ധയാം സഭയേ!-
Download pdf