24. ഭജിക്കുക നീ നിത്യം യേശുമഹേശനെ
1 ഭജിക്കുക നീ നിത്യം യേശുമഹേശനെ
യേശുമഹേശനെ നാക നിവാസനെ
2 ദേവകള്‍ വണങ്ങിടും ദീനദയാലുവെ
സദയമീ നമ്മെക്കാക്കും സല്‍ഗുണസിന്ധുവെ
3 മരിയയിലവതാരം ചെയ്തൊരു നാഥനെ
മലയതില്‍ ബലി ചെയ്ത മര്‍ത്യശരീരനെ
4 മാനുവേലാഹ്വയം പൂണ്ട മഹേശനെ
മന്നിടം ത്രിദിവമായ് മാറ്റിടും മര്‍ത്യനെ
5 താരകം കരങ്ങളില്‍ താങ്ങിടും നാഥനെ
തരണിപോലവനിയില്‍ വന്നിടും വന്ദ്യനെ
ദീനദയാലു-ദുഖിതരോടു ദയകാണിക്കുന്നവന്‍. സല്‍ഗുണസിന്ധുടനല്ല ഗുണ ങ്ങളുടെ സമുദ്രം. മര്‍ത്യശരീരന്‍-മൃത്യുവിന്‌ അധീനമായ ശരീരത്തോടു കൂടിയവന്‍. മൃത്യു-മരണം. ആഹ്വയം-നാമം. മന്നിടം ത്രിദിവമായ് മാറ്റുക-ഭൂമി സ്വര്‍ഗ്ഗ മാക്കിത്തീര്‍ക്കുക. താരകം-നക്ഷത്രം. കരം-കൈ. തരണിടസൂര്യന്‍.
നി എന്നും യേശുമഹേശനെ ഭജിക്കുക. സ്വര്‍ഗ്ഗത്തില്‍ വസിക്കുന്ന യേശു മഹേശനെ ഭജിക്കുക. ദേവകള്‍ വണങ്ങുന്നവനും, ദീനദയാലുവും, നമ്മെ കാക്കുന്നവനുമായ സല്‍ഗുണമൂര്‍ത്തിയെ ഭജിക്കുക. മറിയയില്‍ അവതരിച്ച നാഥനെ - കാൽവറി മലയില്‍ ബലിയായിത്തീര്‍ന്ന മനുഷ്യ ശരീരമുള്ളവനെ - മനുവേലനെന്ന നാമം വഹിക്കുന്നവനെ - ഭൂമി സ്വര്‍ഗ്ഗമായി മാറ്റുന്ന മനുഷ്യനെ - നക്ഷത്രം കൈകളില്‍വഹിച്ചിരിക്കുന്നവനെ -സൂര്യനെപ്പോലെ ഭൂമിയിലേക്കു വരാന്‍ പോകുന്ന വന്ദ്യനെ - ഭജിക്കുക.
Download pdf