രീതി: ദേവജന സമാജമെ

 

1   ദേവദേവനേശുവിനെ സ്തുതിക്കണം നാം

     ദേവകളിന്നാരാധ്യനെ ദേവാധി ദേവന്‍ സ്വര്‍ഗ്ഗദേശേ

     വസിച്ചിരുന്നോന്‍ ദേഹരൂപമായ് ധരേ നരരെ തേടി വന്നു

 

2   ആരും വണങ്ങിടുമതി ശ്രേഷ്ഠമാം നാമ

     ധാരിയാം കര്‍ത്തനെ നമ്മള്‍ ഏകമായ് വണങ്ങണം

     ഏകി സര്‍വ്വമഹത്ത്വം ഏതൊരു നാവുമേറ്റു

     ചൊല്ലുന്ന കര്‍ത്താവാകും

 

3   അന്ധമായാരാധനയില്‍ ബന്ധിതരായ

     അന്ധമില്ലാ മനുജരെ ബന്ധുവാമേശു ദേവന്‍

     ബന്ധനം നീക്കി നമ്മെ സത്യാത്മാരാധനയ്ക്കായ്

     സത്യമായ് വേര്‍തിരിച്ച

 

4   വിശുദ്ധ മന്ദിരത്തിന്നുൾപ്രവേശവും
     അസാധ്യമായ മർത്യർക്കായ്
     ദേവ സുതനാമേശു ദേഹ തിരശീലയെ
     ചീന്തി പ്രവേശനവും കൃപാസനത്തിൻ തന്ന

5   പാപ പരിഹാരം വരുത്തിയെന്നേക്കുമായ്
     ഏകമാം യാഗം മൂലമായ്
     മേലിനി യാഗം വ്യർത്ഥം പാപപരിഹാരാർത്ഥം
     ആത്മീയ യാഗമർത്ഥം ആയതെന്നത്രെ വ്യക്തം

6   ദിവ്യരുധിരം വിലയായ് താനേകി, വാങ്ങി
     തന്നാലയമായ് നമ്മെയും
     ദിവ്യാത്മ വാസമായ ദേവാലയത്തിൽ നിന്നും
     സ്തോത്രയാഗ ധ്വനികൾഎന്നെന്നുമുയർത്തി നാം.