92. പാരസികര്‍ വന്നു പാദം പണിഞ്ഞ
പാരസീകര്‍-പേര്‍ഷ്യാക്കാര്‍ (വിദ്വാന്മാര്‍). പണിയുക-നമസ്കരിക്കുക. ധൂളി മെത്ത-മാര്‍ദ്ദവമുള്ള മെത്ത. വിണ്ണുലകം-സ്വര്‍ഗ്നം. ദീപം-വിളക്ക്‌. ഗോക്കള്‍- പശു ക്കള്‍. ത്ഥടിതി-പെട്ടെന്ന്‌. പടുത-സാമര്‍ത്ഥ്യം. നിജ-തന്റെ. മൃതി-മരണം.
പേര്‍ഷ്യാക്കാര്‍ (വിദ്വാന്മാര്‍) വന്നു വണങ്ങിയ രാജാവേ! യൂദ രാജാവായ ഹെരോദാവു ഭയന്നു വിറയ്ക്കത്തക്കവണ്ണം ഉദിച്ച സ്വര്‍ഗ്ഗീയ രാജാവേ! വൈക്കോല്‍ കിടക്ക, ധൂളിമെത്തയാക്കുന്നവനും കീറ്റത്തുണി പട്ടുപോലെ കാണുന്നവനുമായ രാജാവേ! സ്വര്‍ഗ്ഗം വിളക്കും കൊളുത്തി അങ്ങയെ ഉപചരിക്കുന്നു. (ആകാശത്തില്‍ പ്രത്യേക നക്ഷത്രം പ്രതൃക്ഷപ്പെട്ടു വിദ്വാന്മാര്‍ക്കു വഴി കാട്ടിക്കൊടുത്തു). അങ്ങയുടെ പൊന്നു ജന്മം ദൂതന്മാര്‍ പാടി വാഴ്ത്തുന്നു. പശുക്കള്‍ കിങ്ങിണി കിലുക്കി സന്തോഷം പ്രകടിപ്പിക്കുന്നു. ഭൂമി മംഗളമായ വെണ്‍പുടവ ധരിച്ചുല്ലസിക്കുന്നു. പഴയ പാമ്പായ സാത്താന്റെ തല തകര്‍ക്കു ന്നതിന്‌ ഭൂമിയിലേക്ക്‌ വന്നവനും ലോകര്‍ നടക്കുന്നതിന്‌ ഒരു പുതിയ വഴി തുറന്നു തന്നവനും ആണ്‌ അവിടുന്ന്‌. കഠിനരോഗത്തെ പെട്ടെന്ന്‌ മാറ്റി സുഖം അരുളുകയും, കാറ്റിന്റെയും തിരമാലകളുടെയും ഭീകരതയെ വാക്കുകൊണ്ട്‌ ശാന്തമാക്കുകയും ചെയ്തവനാണ്‌ അങ്ങ്‌. കുരിശിലെ മരണത്താല്‍ മനുഷ്യമക്കള്‍ക്ക്‌ നരകത്തില്‍നിന്നും അങ്ങ്‌ വിടുതലും നല്കി. എഏളിയവര്‍ക്കു സമൃദ്ധി ദാനം ചെയ്യുന്ന അങ്ങയുടെ പിളര്‍ന്ന ചങ്കില്‍ മറയുന്നതിന്‌ എന്നെ അനുഗ്രഹിച്ചാലും.
Download pdf