1102. പോകുക പോകുക സോദരരേ!
1 പോകുക പോകുക സോദരരേ! നാം പോകുക യുദ്ധം ചെയ്വതിന്നായ്
പോകുക ക്രൂശിന് പടയാളികളായ് പടപൊരുതിടാന് പോയിടാം-
2 വചനം വാളായ് കൈകളിലേന്തി സത്യം നല്ലൊരു പരിചയുമായ്
കവചമതായി നീതി ധരിച്ചും വിശ്വാസത്തിന് ശിരസ്ത്രവുമായ്-
3 തേടുക നേടുക നാടുകള് നീളെ രക്ഷയിലേക്കിന്നാളുകളെ
വീടുകള് മേടുകള് കാടുകള് കയറി വേലിക്കരികിലുമുള്ളവരെ-
4 പകലൊളിമാറും നാളു വരുന്നു ഇരുളുപരത്തും നാളുകളാം
പരമേശന്റെ വാളു ധരിച്ചു പൊരുതുക മരണത്തോളം നാം-
Download pdf