57. സന്തതം സ്തുതിചെയ്യുവിന്‍ പരനെ
സന്തതം-എല്ലായ്പ്പോഴും. ഹൃദി-ഹൃദയത്തില്‍. തെല്ലും-അല്പം പോലും. ചന്തം-ഭംഗി. ബന്ധുരം-മനോഹരം. ആഭ-ശോഭ. ബന്ധൂരാഭന്‍-സുന്ദരന്‍. അന്തരം-വൃത്യാസം. വിനാ-കൂടാതെ. അന്ധര്‍-കുരുടര്‍. ഹന്ത - ആശ്ചര്യം. അന്തരെ-ഹൃദയത്തില്‍. അന്തികെ-സമീപത്ത്‌. അനുബന്ധനം ചെയ്ക കൂട്ടിച്ചേര്‍ക്കുക. അനന്തം-സംഖ്യയില്ലാത്ത. താരഗണം- നക്ഷത്രക്കുട്ടം. സത്വഗുണം-ഉത്തമഗുണം. അംബുദം-മേഘം. നികരം-കൂട്ടം. അംബരം-ആകാശം. സംഭൃതമാക്കുക-സംഭരിച്ചുവയ്ക്കുക. അവലംബനം-ആശ്രയം. സഞ്ചയം-കൂട്ടം. ചരണം-കാല്‍. അല്ലല്‍-ദഃഖം. ജഗതാം-ലോകത്തിന്റെ. മന്നവന്‍-രാജാവ്‌. തഴുത് - ഓടാമ്പല്‍ (സാക്ഷ). സുതര്‍-മക്കള്‍. ദ്രുതം-വേഗം. മന്ന്‌-ഭൂമി. സന്നിഭം- തുല്യം. ഹിമം-മഞ്ഞ്‌. ഘനീഭവിച്ച-കട്ടിയായ. ഉരത്ത-വലിയ. ഇദ്ധര-ഈ ഭൂമി. സ്വവാചാ-സ്വന്തം വാക്കുകൊണ്ട്‌. ഉല്‍സ്രുതജലം-ഒഴുകുന്നവെള്ളം. ഏവം-ഇപ്രകാരം.
മഹോന്നതനായ ദൈവത്തെ എല്ലായ്പ്പോഴും സ്തുതിക്കുക. ലോകചിന്ത ഹൃദയത്തെ മഥിക്കാതെ നാഥനെ സ്തുതിക്കുക. എപ്പോഴും സ്തുതിക്കുന്നത്‌ ഉചിതമാണ്‌. അവന്‍ ശ്രേഷ്ഠനും സുന്ദരരൂപനുമാണ്‌. ബന്ധുവായ അവന്‍ നിസ്സംശയം ശാലേം പണിയുന്നതാണ്‌. ആന്ധരായി ചിതറിപ്പോയവരെ അവന്‍ കൂട്ടിച്ചേര്‍ക്കുന്നു. ഹൃദയം തകര്‍ന്നവരെ അവന്‍ സമീപത്തുചേര്‍ത്തു അനുബന്ധി ക്കൂന്നു. ഇരുട്ടില്‍ പ്രകാശിക്കുന്ന അനന്തകോടി നക്ഷത്രങ്ങളുടെ തുക അറിയുകയും അതിനെല്ലാം പേരിടുകയും ചെയ്യുന്നു. ശക്തിമാനും ബുദ്ധിമാനും ആയ അവന്‍ സത്വഗുണ പ്രധാനനായി സജ്ജനത്തെ എത്രയും ഉയര്‍ത്തുന്നു. ദുഷ്ടരെ നിലത്തോളം താഴ്ത്തുന്നു. അവന്നു വാദ്യയുക്തമായ സ്തുതി കൊടു ക്കൂവിന്‍. ആകാശം കാര്‍മേഘത്താല്‍ മൂടി ഭൂമിയിലേക്കു മഴപെയ്യിക്കുന്നു. വന്‍മലകളില്‍ പുല്ല് സംഭരിക്കുന്നു. ജനങ്ങള്‍ക്ക്‌ അവലംബമായ മൃഗപക്ഷിഗണങ്ങളെ പുലര്‍ത്തുന്നു. കുതിരയുടെ ബലത്തിലോ മല്ലന്മാരുടെ കാലിന്റെ ശക്തി യിലോ അവനു ലേശവും പ്രസാദമില്ല. അവനെ ഭയപ്പെട്ട്‌ അവന്റെ ദയ പ്രതീക്ഷിച്ച്‌ അല്ലലില്ലാതെ ജീവീക്കുന്നവനിലാണ്‌ അവനു പ്രിയം. യെരുശലേമേ! സീയോന്‍ നഗരമേ! ലോകനാഥനെ സ്തുതിച്ചു അഭിവന്ദിക്കുക. അവന്‍ കതകുകളുടെ ഓടാമ്പല്‍ ഉറപ്പിച്ച്‌ അകത്തുള്ള മക്കളെ അനുഗ്രഹിക്കുന്നു. നിന്റെ അതിരില്‍ സമാധാനം ഉറപ്പിച്ച്‌ കോതമ്പു നല്കി നിനക്ക്‌ തൃപ്തി വരുത്തുന്നു. അവന്റെ വാക്കുകള്‍ ഭൂമിയിലേക്കുയച്ച്‌ ഭസ്മംപോലെ മഞ്ഞ്‌ പെയ്യിച്ച്‌ പഞ്ഞി പോലെ ചിതറിക്കുന്നു. മഞ്ഞുകട്ട ഭൂമിയിലേക്ക്‌ വര്‍ഷിക്കുമ്പോള്‍ ഏത്‌ മനുഷ്യന്‌ അവന്റെ തണുപ്പിനു മുമ്പില്‍ നില്ക്കാന്‍ സാധിക്കും? അവന്റെ വാക്കു കൊണ്ട്‌ മഞ്ഞുരുകി ജലം ഒഴുകുന്നു. അവന്റെ വചനം യാക്കോബിനും വിധി യിസ്രായേലിനും അരുളുന്നു. അന്യജാതിക്കാരോട്‌ അവന്‍ ഒരിക്കലും ഒരു ന്യായവും അരുളിച്ചെയ്തിട്ടില്ല.
Download pdf