997. സ്വര്‍ഗ്ഗനാട്ടിലെന്‍ പ്രിയന്‍ തീര്‍ത്തിടു
സ്വര്‍ഗ്ഗനാട്ടിലെന്‍ പ്രിയന്‍ തീര്‍ത്തിടും സ്വന്തവീട്ടില്‍ ചേര്‍ന്നിടുവാന്‍
മമ കാന്തനെ ഒന്നു കാണുവാന്‍ മനം കാത്തു പാര്‍ത്തിടുന്നു
1 ഇന്നു മന്നിതില്‍ സീയോന്‍ യാത്രയില്‍ എന്നും ഖിന്നതമാത്രം
എന്നു വന്നു നീയെന്നെ ചേര്‍ക്കുമോ അന്നേ തീരൂ വേദനകള്‍
2 മരുഭൂമിയില്‍ തളരാതെ ഞാന്‍ മരുവുന്നു നിന്‍ കൃപയാല്‍
ഒരു നാളും നീ പിരിയാതെന്നെ കരുതുന്നു കണ്‍മണിപോല്‍-
3 നല്ല നാഥനേ! നിനക്കായി ഞാന്‍ വേല ചെയ്യുമന്ത്യം വരെ
അല്ലല്‍ തീര്‍ന്നു നിന്‍ സവിധേ വരാതില്ല പാരില്‍ വിശ്രമവും-
4 കര്‍ത്തൃകാഹളം വാനില്‍ കേള്‍ക്കുവാന്‍ കാലമായില്ലേ പ്രിയനേ?
ആശയേറുന്നേ നിന്നെ കാണുവാന്‍ ആമേന്‍ യേശുവേ വരണേ!-
Download pdf