455. സ്വര്‍ഗ്ഗത്തില്‍ നിക്ഷേപം ശേ
1. സ്വര്‍ഗ്ഗത്തില്‍ നിക്ഷേപം ശേഖരിക്കും
സാധുവോടീവിധമായിരിക്കും
സര്‍വ്വേശന്‍ ചൊല്ലുവതെല്ലായ്പോഴും
എന്‍കണ്ണിനാല്‍ നിന്നെ ഞാന്‍ നടത്തും-
2 നാനാ പരീക്ഷകള്‍ വന്നിടുമ്പോള്‍
പാലകന്മാര്‍ പറന്നോടിടുമ്പോള്‍
നാദമിതു ചെവി പൂകിടട്ടെ
എന്‍കണ്ണിനാല്‍ നിന്നെ ഞാന്‍ നടത്തും
3 ഭൗമികമായ നിന്നാശയെല്ലാം
കാലമാം കല്ലറ പൂകിടുമ്പോള്‍
പിന്നെയുമീ വാക്കു ധൈര്യമേകും
എന്‍ കണ്ണിനാല്‍ നിന്നെ ഞാന്‍ നടത്തും-
4 കള്ളന്‍ തുരുമ്പും പുഴുവിവയാല്‍
കൊള്ളയാകാതുള്ള നിന്‍മുതല്‍ നീ
സ്വര്‍ഗ്ഗമഹത്ത്വത്തില്‍ കണ്ടിടുമ്പോ-
ളെന്‍ നടത്തിപ്പുകള്‍ ബോദ്ധ്യമാകും
Download pdf