220. സുന്ദര രക്ഷകനേ! എനിക്കാനന്ദ
സുന്ദര രക്ഷകനേ!
1 സുന്ദര രക്ഷകനേ! എനിക്കാനന്ദ കാരണനേ!
ഇന്നലെയുമിന്നുമെന്നുമനന്യനേ! വന്ദനം വന്ദനമേ-
2 രാജാധിരാജാവു നീ എന്നും കര്‍ത്താധികര്‍ത്താവു നീ
ഉന്നതദേവാ! നീയെന്നെയും സ്നേഹിച്ചതത്ഭുതമത്ഭുതമേ-
3 ശാരോനിലെ റോസ നീ എനിക്കാരോമല്‍ സ്നേഹിതന്‍ നീ
എന്മേല്‍ വിരിച്ച നിന്‍ സ്നേഹക്കൊടിക്കീഴി-
ലെന്നുമെന്‍ വിശ്രാമമേ-
4 ആദിയുമന്തവും നീ പാപവ്യാധിക്കു വൈദ്യനും നീ
നീതിയിന്‍ സൂര്യനും യൂദയിന്‍ സിംഹവും
സര്‍വ്വവും നീ പരനേ!-
5 മുന്നേയിരുന്നവന്‍ നീ മാറാതെന്നുമിരിപ്പവന്‍ നീ
വന്നവന്‍ നീയേ, വരാനുള്ളവന്‍ നീയേ
വന്ദിതവല്ലഭനേ!-
Download pdf