903. സീയോനേ നീ ഉണര്‍ന്നെഴുന്നേല്‍ക്കുക
സീയോനേ നീ ഉണര്‍ന്നെഴുന്നേല്‍ക്കുക
ശാലേം രാജനിതാ വരുവാറായ് ശീലഗുണമുള്ള സ്നേഹസ്വരൂപന്‍
ആകാശമേഘത്തില്‍ എഴുന്നള്ളി വരുമേ
1 അന്ത്യസമയങ്ങള്‍ അടുത്തുപോയ് പ്രിയരേ!
സ്വന്തമെന്നേശുവെ സാക്ഷിക്കുവിന്‍ അന്ധകാരപ്രഭു വെളിപ്പെടുംമുമ്പേ
സന്തോഷരാജ്യത്തില്‍ ചേര്‍ന്നിടുമേ നാം-
2 ഭൂമണ്ഡലങ്ങള്‍ ഉലഞ്ഞിളകിടുന്നു വാനങ്ങള്‍ ആകവേ നടുങ്ങിടുന്നു
പ്രേമമറ്റുള്ള നിന്‍സാധുക്കള്‍ കരളില്‍ ഖേദം പൂണ്ടങ്ങിങ്ങു വീണുഴലുന്നു
3 സൈന്യത്തിന്‍ ശക്തിയാല്‍ രാജ്യങ്ങള്‍ ആകവേ
തകര്‍ന്നുടഞ്ഞിടുന്നു ദിനംദിനമായ് സൈന്യത്തിന്‍ ശക്തിയാല്‍
ഒന്നിലുമല്ലേ ആത്മബലത്താല്‍ ജയം നേടുക നാം-
4 തിരുസഭയേ! നിന്‍ദീപങ്ങളെന്നുമേ സൂര്യപ്രഭപോല്‍ വിളങ്ങിടട്ടെ
മഹിതന്‍ തന്‍തേജസ്സില്‍ എഴുന്നള്ളി വരുമ്പോള്‍
ഉടലോടെ പ്രിയനെ എതിരേല്‍പ്പാന്‍ പോകാം-
Download pdf