907. സഹോദരരേ സന്തോഷിക്കുവിന്‍ കര്‍ത്താ
1 സഹോദരരേ സന്തോഷിക്കുവിന്‍
കര്‍ത്താവില്‍ സദാ സന്തോഷിച്ചിടുവിന്‍
തന്‍സ്നേഹം തന്‍സ്നേഹം മറന്നിടാമോ നാം
മറന്നിടാമോ നാം ഉണര്‍ന്നു പാടുവിന്‍-
2 ഈലോകം തരാ-തുള്ളോരന്തരാ-
നന്ദം തന്നതു ക്രിസ്തേശു നായകന്‍
ഭാരങ്ങളേറുന്ന നേരത്തും തീരാത്തോ-
രാനന്ദം തന്നതു താനെന്നറിഞ്ഞു നാം-
3 വിനാശത്തിലേ-ക്കനാഥത്വമായ്
അനേകായിരം ജനം ഗമിക്കവേ
സൗഭാഗ്യം കൈവന്നു നമുക്കു ക്രിസ്തുവില്‍
ദൈവത്തിന്‍ മക്കളായ് ദിവ്യാവകാശവും-
4 തമ്മില്‍ സ്നേഹമായ് നമ്മള്‍ക്കേകമായ്
തന്‍നാമത്തെ നാമുയര്‍ത്തി ഘോഷിക്കാം
എന്തെല്ലാം വന്നാലും ഭയപ്പെടേണ്ടാ നാം
ഉയര്‍ത്തും വല്ലഭന്‍ ജയിക്കും മന്നവന്‍-
Download pdf