50. സഹോദരരേ, പുകഴ്ത്തിടാം സദാ
1 സഹോദരരേ, പുകഴ്ത്തിടാം സദാ പരനേശുവിന്‍കൃപയെ
മഹോന്നതനാമവന്‍ നമുക്കായ് മരിച്ചുയിരെ ധരിക്കുകയായ്
മഹാത്ഭുതമീ മഹാദയയെ മറക്കാനാവതോ പ്രിയരെ
2 ഭയങ്കരമായ വന്‍നരകാവകാശികളായിടും നമ്മില്‍
പ്രിയം കലരാന്‍ മുഖാന്തരമായ തന്‍ ദയയെന്തു നിസ്തുല്യം
ജയം തരുവാന്‍ ബലം തരുവാന്‍ ഉപാധിയുമീ മഹാദയയാം
3 നിജാജ്ഞകളെയനാദരിച്ച ജനാവലിയാകുമീ നമ്മെ
നിരാകരിക്കാതെ വന്‍ദയയാല്‍ പുലര്‍ത്തുകയായവന്‍ ചെമ്മെ
നിരാമയരായ് വിമോചിതരായ് വിശുദ്ധവംശമയ് നമ്മള്‍
4 സഹായകനായ് ദിനംതോറും സമീപമവന്‍ നമുക്കുണ്ട്
മനം കലങ്ങാതിരുന്നിടാം ധനം കുറഞ്ഞാലുമീ ഭൂവില്‍
സമാധാനം സദാമോദം നമുക്കുണ്ടായതും കൃപയാല്‍ T.K.S
Download pdf