653. ആനന്ദമുണ്ടെനി ക്കാനന്ദമുണ്ടെനി- ക്കേശു
ആനന്ദമുണ്ടെനിക്കാനന്ദമുണ്ടെനി-
ക്കേശുമഹാരാജ സന്നിധിയില്‍
1 ലോകം എനിക്കൊരു ശാശ്വതമല്ലെന്നെന്‍
സ്നേഹം നിറഞ്ഞേശു ചൊല്ലീട്ടുണ്ട്
സ്വര്‍ലോക നാട്ടുകാര്‍ക്കിക്ഷിതിയില്‍ പല
കഷ്ടസങ്കടങ്ങള്‍ വന്നീടുന്നു-
2 കര്‍ത്താവേ! നീയെന്‍റെ സങ്കേതമാകയാല്‍
ഉള്ളില്‍ മന:ക്ലേശം ലേശമില്ല
വിശ്വാസക്കപ്പലില്‍ സ്വര്‍പ്പുരം ചേരുവാന്‍
ചുക്കാന്‍ പിടിക്കണേ പൊന്നുനാഥാ-
3 എന്നാത്മാവേ നിന്നില്‍ ചാഞ്ചല്യമെന്തിഹെ
ബാഖായിന്‍ താഴ്വരയത്രേയിതു
സീയോന്‍പുരി തന്നില്‍ വേഗം നമുക്കെത്തീ-
ട്ടാനന്ദക്കണ്ണുനീര്‍ വീഴ്ത്തിടാമേ-
4 കൂടാരവാസികളാകും നമുക്കിങ്ങു
വീടന്നൊ നാടെന്നൊ ചൊല്‍വാനെന്ത്?
കൈകളാല്‍ തീര്‍ക്കാത്ത വീടൊന്നു താതന്‍ തന്‍
മീതെ നമുക്കായി വച്ചിട്ടുണ്ട്-
5 ഭാരം പ്രയാസങ്ങളേറും വനദേശ
ത്താകുലമാത്മാവില്‍ വന്നീടുകില്‍
പാരം കരുണയുള്ളീശന്‍ നമുക്കായി
ട്ടേറ്റം കൃപ നല്‍കി പാലിച്ചിടും-
6 കര്‍ത്താവേ നീ വേഗം വന്നീടണേ ഞങ്ങള്‍-
ക്കോര്‍ത്താലിക്ഷോണിയില്‍ മഹാദു:ഖം
എന്നാലും നിന്‍മുഖശോഭയതിന്‍ മൂലം
സന്തോഷകാന്തി പൂണ്ടാനന്ദിക്കും
Download pdf