106. സന്തതം സ്തുതി തവ ചെയ്വേനേ
രീതി : കുണ്ഡിനപുര
സന്തതം സ്തുതി തവ ചെയ്വേനേ ഞാന്‍
നിന്‍തിരുകൃപയോ സാന്ത്വനകരമേ
1 ചന്തം ചിന്തും നിന്തിരുകരമെന്‍
ചിന്താഭാരം നീക്കിടുന്നതിനാല്‍-
2 എരിതീ സമമായ് ദുരിതം പെരുകി
ദഹനം ചെയ്തിതു ഗുണചയമഖിലവും
3 അന്നാളില്‍ നിന്നാശയമുരുകി
വന്നെന്‍ പേര്‍ക്കായ് ക്രൂശില്‍ നീ കയറി
4 ഒരു നാള്‍ തവ കൃപ തെളിവായ് വന്നു
കരളു തുറന്നു കരുതി ഞാനന്നു-
5 എത്താസ്നേഹം കരുതി നീയെന്‍റെ
ചിത്താമോദം വരുത്തി നീ പരനേ!-
6 എന്തേകും ഞാന്‍ പകരമിതിന്നു
ചിന്തിച്ചാല്‍ ഞാനഗതിയെന്നറിവായ്-
7 എന്‍ നാളെല്ലാം നിന്നുടെ പേര്‍ക്കായ്
മന്നില്‍ നില്‍പ്പാന്‍ കരുണ നീ ചൊരിക
Download pdf