124. സത്യമായ് ശുദ്ധസ്നേഹമായ്
സത്യമായ് ശുദ്ധസ്നേഹമായ് - ദൈവ
ജ്ഞാനമായ് വാഴും കര്‍ത്താവേ!
വന്ദ്യനാം നിത്യജീവമാര്‍ഗ്ഗമേ വന്ദനം ജയമംഗളം
1 കാല്‍കരങ്ങളിലാണിയേറ്റു നീ കാല്‍വറി ക്രൂശിന്‍ യാഗമായ്
പാവനരക്തം ചിന്തി ഞങ്ങളെ വീണ്ടതാല്‍ ജയമംഗളം-
2 സ്വന്തപുത്രനെയാദരിയാതെ സ്വന്തമായ് ഞങ്ങള്‍ക്കേകിയ
സ്വര്‍ഗ്ഗതാത! നീ സര്‍വ്വവും തന്നില്‍ തന്നതാല്‍ ജയമംഗളം!-
3 സാക്ഷാല്‍ മുന്തിരിവള്ളിയാം നിന്നില്‍ കൊമ്പുകളാക്കി ഞങ്ങളെ
മെച്ചമാം ഫലം കായ്ക്കുവാന്‍ ചെത്തി സ്വച്ഛമാക്കയാല്‍ മംഗളം!-
4 കാരുണ്യമാര്‍ന്ന കൈകളില്‍ വഹിച്ചാലംബഹീനരായോരെ
വന്‍ദുരിതങ്ങള്‍ നീക്കിയന്‍പിനാല്‍ പോറ്റിടും നാഥാ മംഗളം-
5 സാനന്ദം സ്തുതി കീര്‍ത്തനങ്ങളാല്‍ വാഴ്ത്തുവാനിന്നു ഞങ്ങളെ
പ്രാപ്തരാക്കിയ ദേവനന്ദന വന്ദനം ജയമംഗളം-
Download pdf