440. സംജജീവകമാം തിരുവചനം
1 സംജജീവകമാം തിരുവചനം സന്തോഷസമേതം പ്രതിദിനമെന്‍
ജീവിത പരമസുഖാര്‍ത്ഥമ-ചഞ്ചലനായ് ഹൃദി സംഗ്രഹിക്കും
2 പഞ്ചാമൃതസന്നിഭമതു മമ നെഞ്ചിന്നരുളും സംതൃപ്തിയെ
സംജാത സുമോദമന്വിതമെന്നധരം സ്തുതിചെയ്യുമേശുവെ-
3 പുന്തേന്‍ ഭ്രമരങ്ങളതീവ ശ്രമം ചെയ്താര്‍ജ്ജിപ്പതുപോല്‍ മമ
സന്ദേഹമൊഴിഞ്ഞനിശം വചനത്തിന്‍ മധുരസമാസ്വദിക്കും-
4 ഇന്നാള്‍വരെയും പൊരുതവയൊടു നന്നായ് മന്നവര്‍ നാസ്തികരും
എന്നാല്‍ നിസ്തുലമഹിമയൊടവയിന്നും വിജയിച്ചിടുന്നു-
5 ദൈനംദിനമിവയുടെ സത്യത ജനസമ്മതമായി വരുന്നു
നൂനം പല നൂതന തെളിവുകളൂനമൊഴിഞ്ഞുളവായിടുന്നു-
Download pdf