948. സങ്കടം സമസ്തവും സമാപിച്ചിടും
സങ്കടം സമസ്തവും സമാപിച്ചിടും സഭ
സന്തതം സമാശ്വസിച്ചു സംതൃപ്തരായിടും
1 കണ്ണുനീര്‍ തുടയ്ക്കുമേശു രക്ഷാകരന്‍ ഹാ! മ-
റന്നുപോകുമന്നു സര്‍വ്വ ദു:ഖങ്ങളും പൊന്നു നാഥനോടുകൂടെ
രാജസിംഹാസനേ നാമിരുന്നു വാണിടും ധരിത്രിയില്‍ രാജ്ഞിയായ്-
2 കക്ഷിമത്സരങ്ങള്‍ മതവ്യത്യാസങ്ങള്‍ ഇവ
ലക്ഷ്യമെന്നിയേ നശിച്ചു പൊയ്പോകുമേ-സത്യ
പക്ഷമൊന്നു മാത്രമായി ശേഷിച്ചിടും-ക്രിസ്തു
രക്ഷകന്‍ വെളിപ്പെടുന്ന ശോഭാദിനം തന്നില്‍-
3 മായപോയ് മറഞ്ഞിടും മഹാ മന്നിടം മാമ-
ഹത്ത്വപൂര്‍ണ്ണമായ് വരും സമുദ്രസമം-ദിവ്യ
ശോഭയാല്‍ വിളങ്ങിടും നഭോമണ്ഡലം-സര്‍വ്വ
ശാപവുമകന്നു നീതി സൂര്യോദയം മൂലം-
4 യിസ്രായേല്‍ ജനം ത്യജിച്ചു ക്രൂശിച്ചൊരു സത്യ-
നസ്രയങ്കലേക്കു നോക്കി ഖേദിച്ചിടും-ക്രിസ്തു
വിശ്രമം കനിഞ്ഞവര്‍ക്കു നല്‍കും പുനരവര്‍
സദ്സുഖം വസിച്ചനുഗ്രഹം പ്രാപിക്കും ഭൂമൗ-
5 സൃഷ്ടിയും വിമുക്തമായിടും നിര്‍ണ്ണയം- മഹാ
കഷ്ടമേറിടും ദ്രവത്വദാസ്യത്തില്‍ നിന്നന്നു
പുഷ്ടിയായ് ഫലങ്ങള്‍ നല്‍കിടും ഭൂതലം പരി-
തുഷ്ടിയില്‍ വസിക്കുമായിരം വത്സരം ജനം- E.I.J
Download pdf