310. ശ്രീയേശുനായകന്‍ ജീവനെ തന്നവന്‍
രീതി: ആ മലര്‍ പൊയ്കയില്‍
1 ശ്രീയേശുനായകന്‍ ജീവനെ തന്നവന്‍
സ്നേഹിച്ചു ഏഴയാമെന്നെ
ആമഹല്‍ സ്നേഹത്തിനാഴമളന്നീടാന്‍
ആരാലും സാദ്ധ്യമതാമോ?!
2 പാപാന്ധകാരത്തിലാണ്ടു കിടന്നു ഞാന്‍
പാലം വലഞ്ഞൊരു നാളില്‍
ചാരത്തണഞ്ഞെന്നിലാശ്വാസം നല്‍കിയോ
യേശുവിന്‍ ദിവ്യമാം സ്നേഹം-
3 തന്‍തിരു ചങ്കിലെ രക്തത്താലെന്‍ പാപ
പങ്കങ്ങളെല്ലാം - കഴുകി
ശത്രുവാമെന്നെയും ഇത്രമേല്‍ സ്നേഹിച്ചു
മിത്രമായ് തീര്‍ത്തതന്‍ സ്നേഹം-
4 ഞാനിനി തന്‍പാദ സേവനം ചെയ്തെന്നും
ഈ മരുവാസം തുടരും
മേലില്‍ വിഹായസ്സില്‍ താന്‍വരും നാളതില്‍
തന്നോടണഞ്ഞു ഞാന്‍ വാഴും-
Download pdf