Lyrics : K.V.Sമണവാളന്റെ വിളി
ശാലോമിയേ! വരികെന്റെ പ്രിയേ!
ചേലെഴും സ്വര്ലോക സുന്ദരിയേ!
മാലൊഴിക്കും നിന്റെ പ്രേമരസം വഴി
ഞ്ഞാലപിപ്പിക്കുന്നെന് ചുണ്ടുകളെ മമ
1 താതനഹോ തനിക്കുള്ളവരെ
ലോകരില് നിന്നു പിരിച്ചിടുന്നു
ആകയാല് തന്നുടെ വാചമനുസരി
ച്ചായവരില്നിന്നു വേഗമകന്നു നീ-
2 ദേവകളോടുളള സഖ്യമിച്ഛി
ച്ചാനോക്കു വിട്ടു തന് സ്നേഹിതരെ
ദ്യോവിലേക്കായവന് പോകുന്നതിന് മുമ്പ്
ദൈവപൂമാനെന്നെ സാക്ഷ്യം ലഭിച്ചിതു-
3 നോഹ മുതലായ സാത്വികന്മാ
രേകമായ് നിന്നു പൊരുതതിനാല്
ലോകമവര്ക്കിങ്ങു യോഗ്യമായ് വന്നതി-
ല്ലായ്കിലും ദിവ്യസമ്പത്തവര്ക്കുണ്ടതാല്
4 വേഷവിശേഷങ്ങളാഭരണം
ജാതികള്ക്കൊത്ത ദുരാചരണം
ദൂരീകരിക്ക നീ സോദരപൂരണം
സാധിച്ചിടും കപടാത്മികധാരണം-
5 മാതാ, പിതാ, നിലം, ബന്ധുജനം,
സോദരീ, സോദരര്, ഭാര്യ, മക്കള്,
ആടുകള്, മാടുകളാദിയാം സ്വത്തൊടു
ജീവനും കൈവെടിഞ്ഞാടല് കൂടാതെ നീ-
6 കണ്ണുകള് മോഹം, ജഡത്തിന്മോഹം,
ജീവനത്തിന്റെ പ്രതാപമിവ
ഒന്നും പിതാവില്നിന്നല്ലിതു ലോകത്തില്
നിന്നുതന്നെയിവയെല്ലാ മൊഴിഞ്ഞുപോം-
7 വാമേ! ലെബാനോനെ വിട്ടുടനേ
ക്ഷേമമായ് പോരിക നാട്ടിലേക്ക്
പ്രേമമുള്ളോരമാനാമുകളും ശേനീര്
ഹെര്മ്മോന് മുടികളും വിട്ടുതരിക നീ-
8 ലോകവെയിലാറി തീര്ന്നിടുമ്പോള്
മൂറിന് മലമേല് ഞാന് വിശ്രമിപ്പാന്
സിംഹഗുഹകളും പുള്ളിപ്പുലികളിന്
പര്വ്വതവും വിട്ടു പോരിക നീ ശുഭേ!
9 ദിവ്യമായുള്ള മണവറയെ ദൈവം
നമുക്കായൊരുക്കുമയേ!
ദ്യോവില് ലഭിക്കുമീ വാസസ്ഥലത്തു നാം
മേവുമനവധി മോദമോടെന്നുമേ
10 കെട്ടിയടച്ചുള്ള തോട്ടമേയെന്
മുദ്രയിട്ടുള്ള ജലാശയമേ
വറ്റിടാതുള്ള നിന് പ്രേമവെള്ളങ്ങളില്
മുറ്റും ലയിച്ചു രമിപ്പെന് സദാപി ഞാന്-
![](images/PDF.gif)
Download pdf