517. ആനന്ദം ആനന്ദമേ ക്രിസ്ത്യജീവിതം
ആനന്ദം ആനന്ദമേ ക്രിസ്ത്യജീവിതം ആനന്ദമേ
ആനന്ദം ആനന്ദമേ ഇതു സൗഭാഗ്യജീവിതമേ
1 അവനെയമിതം സ്നേഹിപ്പാന്‍ അധികം തരും ശോധനയില്‍
അനുഗ്രഹം ലഭിക്കും ആകുലമകറ്റും അവന്‍ സന്നിധി മതിയെനിക്ക്
2 ബലഹീനതയില്‍ കൃപ നല്‍കി പുലര്‍ത്തും എന്നെ വഴി നടത്തും
പലതിനെ നിനച്ചു വിലപിച്ചു ഹൃദയം കലങ്ങിടുകയില്ലിനി ഞാന്‍-
3 മരുവിന്‍ വെയിലില്‍ തളരാതെ മറയ്ക്കും തന്‍റെ ചിറകടിയില്‍
തിരുമാര്‍വ്വിലെന്നെയണച്ചിടും സ്നേഹക്കൊടിയെന്‍മീതെ വിരിച്ചിടുന്നു
4 ജഡികസുഖങ്ങള്‍ വിട്ടോടി ജയിക്കും ശത്രുസേനകളെ
ജയവീരനേശുവെന്നധിപതിയല്ലോ ഭയമെന്നിയേ വസിച്ചിടും ഞാന്‍
Download pdf