1181. വെള്ളത്തില്‍ വെറുമൊരു
വെള്ളത്തില്‍ വെറുമൊരു കുമിളപോലെ
വെളുക്കുമ്പം വിരിഞ്ഞൊരു മലരുപോലെ
മനുജാ നിന്‍ജീവിതം ക്ഷണികം നിന്‍ജീവിതം
മരണം വരും നീ മാറിടും ഇത് ക്ഷണികം ക്ഷണികം ക്ഷണികം (2)
1 വിളിക്കാതെ വരുന്നൊരു അതിഥിയെ പോല്‍
വിഷമത്തിലാക്കുന്ന മരണം വരും (2)
നിനച്ചിരിക്കാത്തൊരു നാഴികയില്‍ നിന്നെത്തേടി മരണം വരും-
2 പണ്ഡിത പാമര ഭേദമെന്യേ പണക്കാര്‍ പാവങ്ങള്‍ ഭേദമെന്യേ (2)
പട്ടിണിയായാലും സമൃദ്ധിയിലും പല പല സമയത്തായ് മരണം വരും-
3 മണ്‍മയമാണ് ഈയുലകം മറഞ്ഞിടും മനുജന്‍ മരണത്തിനാല്‍ (2)
മശിഹാ ഹൃത്തില്‍ വന്നിടുകില്‍ മനുഷ്യന്‍റെ ജീവിതം അര്‍ത്ഥപൂര്‍ണ്ണം
Download pdf