1158. വിശ്വാസ സംഘമേയുണര്‍
രീതി: ഇതെന്തു ഭാഗ്യം
വിശ്വാസ സംഘമേയുണര്‍ന്നൊരുങ്ങിടാം നിരന്നിടാം
ദൈവത്തിന്‍ സര്‍വ്വായുധവര്‍ഗ്ഗമെടുത്തു കൊള്ളുവിന്‍
1 സ്വതന്ത്രരാം നമുക്കിഹത്തില്‍ ക്ലേശമേറുമെങ്കിലും
അകറ്റിടും പരാപരന്‍ സന്താപമാകെ ദൂരവേ
നമുക്കവന്‍ കരുത്തനാം സഹോദരന്‍ നാം ചാരവേ-
2 അലസതയകറ്റി വേഗം ദുര്‍ദ്ദിനത്തെയെതിരിടാന്‍
സര്‍വ്വായുധമണിഞ്ഞൊരുങ്ങി നിരന്നിടാം സഗര്‍ഭ്യരേ!
സര്‍വ്വോന്നതന്‍ സദാ നമ്മോടു കൂടെയുണ്ടു ജയം തരാന്‍
3 സത്യമാമരക്കെട്ടും സല്‍നീതിയെന്ന കവചവും
അവികല പ്രശാന്തിയേകും സുവിശേഷവുമേന്തുക
അതിന്നൊരുക്കം കാലുകള്‍ക്കു പാദരക്ഷയാക്കുക-
4 ദുഷ്ടനാമരാതി നമ്മില്‍ ചൊരിഞ്ഞിടും തീയമ്പുകള്‍
കെടുത്തുവാനെടുത്തു കൊള്‍ വിശ്വാസപ്പരിച സോദരാ
രക്ഷയാം ശിരസ്ത്രവുമാത്മാവിന്‍ വാളുമേന്തിടാം-
5 പ്രഗല്‍ഭരായ്, പ്രബുദ്ധരായ് സംയുക്തരായ് നിരന്നിടാം
വിജയ പടഹധ്വനി മുഴക്കി നീങ്ങിടാം രണാങ്കണേ!
നമുക്കു പോര്‍ നടത്തിടാം പിതാവിന്നായ് വിശ്വസ്തരേ! ധീരരേ!-
Download pdf