691. വിശ്വാസ നായകനേശുവെന്‍
വിശ്വാസ നായകനേശുവെന്‍
വിശ്വാസ യാത്രയിലാശ്രയം (2)
1 ഭാരം പ്രയാസങ്ങളേറിയാലും ഭാരപ്പെടാനില്ല കര്‍ത്താവുണ്ട്
ഭാരങ്ങളെല്ലാം വഹിക്കുന്നോന്‍ ഭാസുരമായ് വഴി നടത്തിടും-
2 ആകുല ചിത്തനായ് തീര്‍ന്നിടുമ്പോള്‍ ആവശ്യ ഭാരത്താല്‍ നീറിടുമ്പോള്‍
ആവലോടെ തന്‍ പാദെ വീഴില്‍ ആകുലങ്ങളാകെ തുലയ്ക്കുന്ന-
3 ഉള്ളം തകരുന്ന നേരത്തിലും ഉണ്ടെനിക്കാശ്വാസമായി നാഥന്‍
ഇണ്ടലെല്ലാമകറ്റിടുന്നോന്‍ വേണ്ടതെല്ലാമായി ഉണ്ടെനിക്ക്-
4 മേദിനി വേദന ശോധനകള്‍ ശോഭനമാക്കുവാന്‍ ശക്തനവന്‍
വേദനയേറ്റ വേദനാഥന്‍ വേര്‍പിരിയാതെന്‍റെ കൂടെയുണ്ട്-
Download pdf