556. വിശ്വാസ ജീവിതപ്പടകില്‍ ഞാന്‍
വിശ്വാസ ജീവിതപ്പടകില്‍ ഞാന്‍ സീയോന്‍ നഗരിയില്‍ പോകുന്നു ഞാന്‍
വിശ്വാസനായകനേശുവെ നോക്കി വിശ്രമദേശത്തു പോകുന്നു ഞാന്‍-
1 അലകള്‍ പടകില്‍ അടിച്ചെന്നാല്‍ അല്ലലൊരല്‍പ്പവുമില്ലെനിക്ക്
ആഴിയുമൂഴിയും നിര്‍മ്മിച്ച നാഥന്‍ അഭയമായെന്നരികിലുണ്ട്-
2 നാനാ പരീക്ഷകള്‍ വേദനകള്‍ നന്നായെനിക്കിന്നുണ്ടായിടിലും
നാഥനെയുള്ളത്തില്‍ ധ്യാനിച്ചു എന്‍ക്ഷീണം മറന്നങ്ങു പോകുന്നു ഞാന്‍
3 മരണനിഴലിന്‍ താഴ്വരയില്‍ ശരണമായെനിക്കേശുവുണ്ട്
കരളലിഞ്ഞു എന്‍കൈകള്‍ പിടിച്ചു കരുതി നടത്തുമെന്നന്ത്യം വരെ-
4 വിണ്ണിലെന്‍ വീട്ടില്‍ ഞാന്‍ ചെന്നു ചേരും കണ്ണുനീരൊക്കെയുമന്നു തീരും
എണ്ണിയാല്‍ തീരാത്ത തന്‍ കൃപകള്‍ വര്‍ണ്ണിച്ചു പാദത്തില്‍ വീണിടും ഞാന്‍
Download pdf