866. വിശ്വസിക്കാം-ആശ്രയിക്കാം എന്‍ര
വിശ്വസിക്കാം-ആശ്രയിക്കാം എന്‍രക്ഷകനെന്നും മാറാത്തവന്‍
വിശ്രമിക്കാം-ആശ്വസിക്കാം ആ സ്നേഹമാര്‍വ്വതില്‍ എന്നുമെന്നും
1 പാപമാം ചേറ്റില്‍ നിന്നെന്നെയേറ്റാന്‍ പാരിതില്‍ മര്‍ത്യനായ് വന്നവനാം
ജീവനും ക്രൂശതില്‍ തന്നെന്നെ രക്ഷിച്ച പ്രിയനാം യേശുവില്‍-
2 ഉറ്റോരും പെറ്റോരും കൈവിട്ടാലും ഊറ്റമാം ക്ലേശങ്ങള്‍ നേരിട്ടാലും
ഏറ്റം പ്രിയമോടെ മാറോടു ചേര്‍ത്തെന്നെ മുറ്റും സ്നേഹിപ്പോനില്‍-
3 വാനവും ഭൂമിയും മാറിയാലും എന്‍നാഥന്‍ ഒട്ടുമേ മാറുകില്ല
വാനവിതാനത്തില്‍ വൈകാതെ വന്നെന്നെ തന്നോടു ചേര്‍ത്തിടും-
Download pdf