Lyrics : K.V.Sവെളി. 14:1-5, രീതി: കര്ത്താവു തന് ഗംഭീരനാദം
1 വിശുദ്ധ സീയോന്മല തന്നില് മുദാ
നിരന്നു നില്ക്കുന്നൊരു സൈന്യമിതാ
അവര്ക്കു പ്രധാനി കുഞ്ഞാടു തന്നെ
നിറഞ്ഞ സന്തോഷം..... ഉണ്ടായവര്ക്കു
2 പിതാവ് പുത്രനിവര് പേരുകളെ
സദാപി കാണാമിവര് നെറ്റികള്മേല്
പറഞ്ഞുകൂടാതുള്ള ഭാഗ്യമോര്ക്കില്
നിറഞ്ഞ സന്തോഷം..... ഉണ്ടായവര്ക്കു
3 സുരര്ക്കുതകും ഫിഡില് മീട്ടുകയാല്
പെരും ജലത്തിന്നൊലിയെന്നവണ്ണം
വരുന്നുണ്ടു വൈണികശബ്ദമൊന്നു
നിറഞ്ഞ സന്തോഷം..... ഉണ്ടായവര്ക്കു
4 പ്രാചീനരും ജീവികള് നാലും ചേര്ന്നു
ദേവാസനത്തിന്നു മുന്നിന്നുകൊണ്ടു
പാടുന്നൊരു നൂതന ഗീതമവര്
വാടാത്ത സന്തോഷം..... ഉണ്ടായവര്ക്കു
5 വിശുദ്ധ കുഞ്ഞാടിന്റെ രക്തമൂലം
വിലയ്ക്കു കൊള്ളപ്പെട്ടവര്ക്കൊഴികെ
പഠിച്ചുകൊള്വാന് കഴിഞ്ഞില്ല തെല്ലും
തുടര്ന്നവര് പാടും....ആ ദിവ്യഗീതം
6 എഴുപത്തു രണ്ടു രണ്ടായിരമോ
തിരഞ്ഞെടുത്തോരിവര് കന്യകമാര്
അശുദ്ധരായ് തീര്ന്നില്ല സ്തീകള് മൂലം
അവര്ക്കു സന്തോഷം.....ഉണ്ടെന്നുമെന്നും-
7 കുഞ്ഞാടിനെയെങ്ങുമേ പിന്തുടരും
സന്യാസികളാമിവര് മന്നില്നിന്നു
ഒന്നാം ഫലമായ് വരിച്ചുളളവരാ
ണന്യായവും ഭോഷ്കും....ഇല്ലായവര്ക്കു
8 ഇല്ലില്ല കളങ്കമവര്ക്കു തെല്ലും
ചൊല്ലാര്ന്ന മഹത്ത്വവുമുണ്ടവര്ക്കു
വല്ലായ്മയശേഷവും നീങ്ങിയതാല്
എല്ലാറ്റിലുമെല്ലാമോ...... ദൈവമത്രേ
![](images/PDF.gif)
Download pdf