Lyrics : M.T.G.
രീതി: തുംഗപ്രതാപമാര്ന്ന
1 വിണ്മഹിമ വെടിഞ്ഞു മണ്മയനായ മനു-
നന്ദനനായിവന്ന ചിന്മയാ നിന്മഹിമ
അനുദിനം മനസ്സില് നിനച്ചടി വണങ്ങിടുന്നേന്-
2 മൃത്യു വരിച്ചു ക്രശില് മൃത്യുവിനെ ജയിച്ചു
മര്ത്യര്ക്കു നല്കി നിത്യജീവന് കൃപാനിധേ നീ
നമിച്ചിടുന്നടിയാന് തവ പാദതളിര് ശരണം-
3 പാപമറിഞ്ഞിടാത്ത പാവനനായ നാഥന്
പാപമാക്കി സ്വയമാക്കാല്വറി ക്രൂശിലേറി
നിണം ചൊരിഞ്ഞു ദൈവനീതി നിവര്ത്തിച്ചെന്റെ പേര്ക്കായ്-
4 വാക്കിനാലി പ്രപഞ്ചമൊക്കെയുളവാക്കിയോന്
ആക്കിയ കൃത്യയാഗമായോരജമായ്ത്തന്നെ
അതുല്യമാം ദയയോര്ത്തിതാ വണങ്ങിടുന്നടിയന്-
5 ശത്രുവാമെന്നെ ദൈവപുത്രനായ്ത്തീര്ത്ത കൃപ-
യ്ക്കെത്രയപാത്രനാണീ ധാത്രിയിലെന്നതോര്ത്തു
സ്തുതിക്കുന്നശ്രുകണം വീഴ്ത്തി കരുണാവാരിധിയെ-
6 താഴ്ചയിലെന്നെയോര്ത്തു താതസവിധം വെടി-
ഞ്ഞീധരണിയിലേറ്റം താണു നീ വന്നുവല്ലോ
നിറഞ്ഞനന്ദിയോടെ ഭവല് പദം വണങ്ങിടുന്നു-
7 വന്നു നീ വാനമതില് ഭക്തരെച്ചേര്ക്കുവോളം
മന്നില് നടത്തിടുക മന്നവാ നിന്മഹിമ
പുകഴ്ത്തിയെങ്ങുമെന്നും നില്പാനടിയനെ സദയം-
![](images/PDF.gif)
Download pdf