43. വാഴ്ത്തും ഞാന്‍ യഹോവയെ സര്‍വ്വ
രീതി: മനുജനിവന്‍ ഭാഗ്യവാന്‍
1 വാഴ്ത്തും ഞാന്‍ യഹോവയെ സര്‍വ്വകാലവും മുദാ
സ്തോത്രമെപ്പോഴും മമ നാവില്‍നിന്നുയര്‍ന്നിടും
2 എന്നുള്ളം പ്രശംസിച്ചിടുന്നെന്നും യഹോവയില്‍
മന്നിലെളിയോരഭിനന്ദിച്ചിടുമായത്
3 എന്നോടൊത്തു ചേര്‍ന്നു മഹത്ത്വം നല്‍ക ദേവന്നു
ഒന്നായ് ചേര്‍ന്നു നാം തിരുനാമത്തെയുയര്‍ത്തുക.
4 ഞാന്‍ പ്രാര്‍ത്ഥിച്ചതിന്നവന്‍ നല്‍കിയുത്തരമുടന്‍
എന്‍ഭയങ്ങള്‍ സര്‍വ്വവും പോക്കി വീണ്ടെടുത്തു മാം.
5 തന്നെ നോക്കിയോര്‍ക്കു പ്രകാശം വന്നവര്‍ മുഖം
ഒന്നിലെങ്കിലുമിട വന്നതില്ല ലജ്ജിപ്പാന്‍
6 സാധു ഞാന്‍ കരഞ്ഞതു കേട്ടു ദേവനെന്നുടെ
ബാധയൊക്കെയില്‍ നിന്നുമേകി രക്ഷ പൂര്‍ണ്ണമായ്
7 ദൈവദൂതനെപ്പോഴും ഭക്തന്മാരുടെ ചുറ്റും
കാവല്‍ നിന്നു ഹാ! വിടുവിച്ചിടുന്നു ശക്തിയാല്‍
8 ദൈവം നല്ലവനെന്നതേവരും രുചിക്കുവിന്‍
ഏവന്‍ തന്നെ നമ്പുമോ നൂനം ഭാഗ്യവാനവന്‍
Download pdf