34. ദൈവമാം യഹോവയെ സ്തുതിക്ക
സങ്കീര്ത്തനം 150 രീതി : വസന്തകാലമെ മറഞ്ഞു
ദൈവമാം യഹോവയെ സ്തുതിക്ക തന്റെ മന്ദിരേ-ഓ
വാനഗോള സംവിധാനമേനി കണ്ടു വാഴ്ത്തുക
1 ധന്യമായ തന്റെ വേല മന്നില് രക്ഷ തന്നു ഹാ!
ഉന്നതന്റെ വന് കൃപയ്ക്കു മുന്നില് നമ്മള് വാഴ്ത്തണം
വന്മഹിമയുള്ള തന്റെ നാമമെത്ര വന്ദ്യമേ-
2 കാഹളങ്ങളുച്ചനാദ ഭംഗിയില് മുഴങ്ങണം
വീണമീട്ടിപ്പാടൂ നമ്മള് മോദഗീതമങ്ങനെ
കിന്നരത്തിനുള്ള കമ്പിയീണമേകി നില്ക്കണം.
3 തപ്പുവാദ്യമൊപ്പമുള്ള ചിട്ടകള് ചമയ്ക്കണം
തന്ത്രി നാദമെന്നു വേണ്ട വേണുനാദമോടെയും
നൃത്തഗാനമോടു നമ്മള് സ്തോത്രമേകി വാഴ്ത്തണം.
4 കരങ്ങള് കൊട്ടിയുച്ചനാദ ഭംഗിയില് പുകഴ്ത്തണം
വല്ലഭന്റെ നല്ല നാമമെന്നുമെന്നുമുന്നതം
ജീവനുള്ളതൊക്കെയും യഹോവയെ വണങ്ങണം-
Download pdf