641. വാഴ്ത്തിടും ഞാന്‍ യഹോവയെ കീര്‍ത്തി
രീതി: എന്‍റെ ദൈവം മഹത്വത്തില്‍
വാഴ്ത്തിടും ഞാന്‍ യഹോവയെ കീര്‍ത്തിച്ചിടും തന്‍കൃപയെ
ഓരോ നാളും ദിവ്യസ്നേഹം ഓര്‍ത്തു ഞാന്‍
എന്നും ധ്യാനിച്ചിടും നന്ദിയോടെന്‍ ദൈവമേ!
1 ശത്രുവിന്‍ തീയമ്പുകളോ പാഞ്ഞടുക്കും നേരമെന്നില്‍
ശക്തിയോടെതിര്‍ത്തു നില്‍പ്പാന്‍ പ്രിയനെ
ശക്തി തന്നരുള്‍ക ഓരോ നാളും നവ്യമായ് (2)-
2 ഭീകരമാം ആഴി തന്നില്‍ യാത്ര ചെയ്യും നേരമെന്നില്‍
ഭീതിയാലെന്നുള്ളം തിങ്ങും ഖേദത്താല്‍
ഭാരം ലേശമെന്യേ താങ്ങിടണേ കൈകളില്‍ (2)
3 പാര്‍ത്തലത്തില്‍ ക്രൂശെടുത്തു നിത്യവും പിന്‍ ചെന്നിടുവാന്‍
പാര്‍ത്തിടുന്നു നിന്നരികില്‍ ദൈവമേ
പാരിലാശ്രയിച്ചിടുന്നു നിന്നില്‍ പൂര്‍ണ്ണമായ് (2)
4 എന്‍റെ പ്രിയന്‍ എനിക്കായി ഒരുക്കിടും ഭവനത്തില്‍
എത്തിടുവാന്‍ എത്ര കാലം പാര്‍ക്കേണം
എന്നു തീര്‍ന്നിടുമെന്‍ മരുവാസം ദൈവമേ! (2)
Download pdf