89. വാഴ്ത്തിടും ഞാനെന്‍റെ രക്ഷകനെയെന്നും
1 വാഴ്ത്തിടും ഞാനെന്‍റെ രക്ഷകനെയെന്നും
സ്തോത്രം ചെയ്യും തന്‍റെ വന്‍ കൃപയ്ക്കായ്
2 ശത്രുവിന്‍ ശക്തികളേശാതെയെന്നെയീ
ആഴ്ചമുഴുവനും കാത്തതിനാല്‍
3 വീഴ്ചകളേശാതെ സൂക്ഷിച്ചതോര്‍ത്തിന്നു
കാഴ്ചവയ്ക്കുന്നെന്നെ നിന്‍ പാദത്തില്‍
4 ആഴ്ചവട്ടത്തിന്‍റെ ഒന്നാം ദിനം നിന്നെ
ആദിപിതാക്കന്മാര്‍ വാഴ്ത്തിയപോല്‍
5 ഇമ്പമോടിന്നിതാ നിന്‍മക്കളൊന്നിച്ചു
തുമ്പമെന്യേ നിന്നെ കുമ്പിടുന്നു
6 ശുദ്ധരോടൊന്നിച്ചു സ്തോത്രം ചെയ്വാനെന്നെ
പാത്രമാക്കിയോനെ വാഴ്ത്തുന്നിപ്പോള്‍
7 നാറ്റം പിടിച്ചു ഞാന്‍ ചേറ്റില്‍ കിടന്നപ്പോ-
ളേറ്റിയ കര്‍ത്തനെ വാഴ്ത്തുന്നിപ്പോള്‍ J.K.K
Download pdf