171. വാഴ്ത്തിടുവിന്‍ സ്തുതിച്ചാര്‍ത്തിടുവിന്‍
‘Jesus shall reighn’
വാഴ്ത്തിടുവിന്‍ സ്തുതിച്ചാര്‍ത്തിടുവിന്‍
സർവ്വലോകരുമേ പുകഴ്ത്തിടുവിന്‍
ദൈവപിതാവിന്‍ മഹികളെ
ഭക്തിയോടെന്നും കീര്‍ത്തിപ്പിന്‍
1 യഹോവ തന്നെ സത്യദൈവമല്ലോ
അവന്‍ നമ്മെ മെനഞ്ഞു നാം അവനുള്ളവര്‍
അവന്‍ സ്വന്തജനവും അജഗണവും
അവനെ നാം എന്നും സ്തുതിച്ചിടുവിന്‍
2 താഴ്ചയില്‍ അവന്‍ നമ്മെ ഓര്‍ത്തുവല്ലോ
വൈരിയിന്‍ ബലമവന്‍ തകര്‍ത്തുവല്ലോ
അകൃത്യങ്ങളും പാപരോഗങ്ങളും
അകറ്റിയതാല്‍ എന്നും സ്തുതിച്ചിടുവിന്‍
3 മൃത്യുവില്‍ നിന്നവന്‍ പ്രാണനെയും
വീഴ്ചയില്‍ നിന്നും കാല്‍കളെയും
കണ്ണീരില്‍ നിന്നും കണ്‍കളെയും
വീണ്ടതിനാല്‍ എന്നും സ്തുതിച്ചിടുവിന്‍
Download pdf