90. ആദിയന്തമില്ലാ - അരുമ പിതാ
ആദിയന്തമില്ലാ - അരുമ പിതാവേ!
ബഹുമതി നിനക്കേ ബഹുമതി നിനക്കേ
ഓ-ഓ-ഓ ബഹുമതി നിനക്കേ
1 സംഖ്യയില്ലാ ദൂതര്‍ തവ സന്നിധിയില്‍ നിന്നഹോ
സന്തതം സ്തുതി നിറയും സംഗീതങ്ങള്‍ പാടിടും-
2 പാതകരില്‍ പാതകരാം പാപികളെ തേടി നീ
പാവനകുമാരനെയീ പാരിലേക്കയച്ചു നീ-
3 നിസ്തുല്യമാം ദിവ്യസ്നേഹം നിന്നില്‍മാത്രം ദൈവമേ!
അന്യരറിയുന്നില്ലതു ധന്യര്‍ നിന്‍റെ മക്കളേ-
4 അന്യസഹായം നിന്‍മക്കള്‍ക്കൊന്നും വേണ്ടാ മന്നിതില്‍
അന്നന്നുവേണ്ടുന്നതെല്ലാം തന്നിടും പിതാവു നീ
5 നിന്‍റെ തിരുനാമം ഞങ്ങള്‍ നിത്യവും സ്തുതിക്കയില്‍
നിര്‍ണ്ണയം നിന്‍ കൈകള്‍ ഞങ്ങള്‍ കണ്ണുനീര്‍ തുടച്ചിടും
Download pdf