Lyrics : K.V.Sവാഞ്ഛിതമരുളിടും വാനവര്ക്കധിപ നീ
വന്നിടുക വരം തന്നിടുക
തഞ്ചമടിയര്ക്കു നീയെന്നറിഞ്ഞടിയങ്ങള്
അഞ്ചിടാതെ പരം കെഞ്ചിടുന്നേ-
1 മുള്പ്പടര്പ്പിന്നുമേല് കെല്പോടമര്ന്നൊരു
ചില്പ്പൊരുളേ, ദയാതല്പ്പരനേ,
ദര്പ്പമെല്ലാം നീക്കി ഉള്ക്കലഹം പോക്കി
സത്പഥമടിയര്ക്കു കാട്ടുക നീ-
2 ആത്മവിശപ്പുദാഹമേറ്റമരുള്ക ദേവാ
തൃപ്തരായടിങ്ങള് തീര്ന്നിടുവാന്
സൂക്ഷ്മമാം തിരുമൊഴി കേട്ടറിഞ്ഞതുവിധം
ശുദ്ധിയായ് ജീവിപ്പാറാകണമേ-
3 പൊന്നിലുമഖിലമീ മന്നിലുമതുവിധം
വിണ്ണിലും വിലയേറും നിന്വചനം
ഇന്നു ധരിച്ചു ഞങ്ങള് ധന്യരായ് തീരുവാന്
മന്നവനേ, ദയ ചെയ്യണമേ-
4 മന്ദമനസ്സുകളിലുന്നത ബലത്തോടു
ചെന്നിടണം പരാ നിന്വചനം
നന്ദിയോടടിയങ്ങള് നിന്നെ വണങ്ങാനരുള്
ചെയ്യണമേ കൃപ പെയ്യണമേ-
5 പൂവിലും മണമേറും പൊന്നിലുമൊളിചിന്നും
തേനിലും മധുരമേ നിന്വചനം
രാവിലും പകലിലും ജീവനായ് ഭവിച്ചുമല്
ഭാവിയനുഗ്രഹമാകണമേ-
![](images/PDF.gif)
Download pdf