956. വാനില്‍ വന്നിടുമേ വിണ്ണിന്‍
രീതി: നാഥാ ചൊരിയണമേ
വാനില്‍ വന്നിടുമേ വിണ്ണിന്‍ ദൂതരുമായ്
രാജരാജന്‍ നമ്മുടെ നാഥന്‍ തേജസ്സില്‍ വന്നിടുമേ
1 ഇല്ല നാളധികം പാരില്‍ നമുക്കിനിയും
വേല തികച്ചിടാം ലോകം ത്യജിച്ചിടാം
വരവിന്നായെന്നും ഉത്സുകരായ് നാം ഒരുങ്ങിയുണര്‍ന്നിരിക്കാം-
2 മണ്ണില്‍ നിലനില്‍ക്കും ഒന്നും നമുക്കില്ല
വിണ്ണിലൊരുക്കുന്ന വീടു നമുക്കുണ്ട്
വീണ്ടെടുപ്പിന്‍ നാള്‍ വേഗം വരുന്നു വീട്ടില്‍ നാം ചേര്‍ന്നിടാറായ്-
3 ശാലേം നഗരമതിന്‍ തങ്കവീഥികളില്‍
ചേലെഴും പ്രിയന്‍റെ സ്നേഹക്കൈകളില്‍ നാം
ചേര്‍ന്നു വിശ്രാമം നേടിടുമന്നു തീര്‍ന്നിടുമാകുലങ്ങള്‍-
Download pdf