316. വാനലോകത്തെഴുന്നള്ളിനാന്‍ ശ്രീ
വാനലോകത്തെഴുന്നള്ളിനാന്‍ ശ്രീയേശുനാഥന്‍
വാനലോകത്തെഴുന്നള്ളിനാന്‍
വാനലോകത്തെഴുന്നള്ളിനാ-
നൊലിവുമലയില്‍ നിന്നാനനമുയര്‍ത്തി
ശിഷ്യര്‍ വാനില്‍ നോക്കി നിന്നിടവേ
1 വിണ്ണുലകത്തില്‍ നിന്നിറങ്ങി മനുജാതനായി
വന്നു മാ ഗുരുവായ് വിളങ്ങി
ചൊന്നു ശിഷ്യരോടുപദേശം നന്മ ചെയ്തു
നടന്നറിയിച്ചു സുവിശേഷം
മന്നിടത്തുള്ളോര്‍ക്കു ചോര ചിന്തി
മരിച്ചു മരണം വെന്നുയിര്‍ത്തു
നാല്‍പ്പതാം നാളിന്നിലംവിട്ടു ജയമായ്-
2 മല്‍ക്കിസദേക്കിന്‍റെ ക്രമത്തില്‍ പുരോഹിത വേലയ്ക്കു
തന്‍റെ സ്വന്തരക്തത്തെ തൃക്കരത്തങ്കത്തളികയിലേന്തിയതിങ്കല്‍
മുക്കിയവിരലുള്ളവനായിക്കുല പാപമൊക്കെയ്ക്കും
തക്ക പരിഹാരം ചെയ്വാന്‍ സ്വര്‍ഗ്ഗമാം വിശുദ്ധസ്ഥലം
നോക്കി മഹാ പുരോഹിതന്‍-
3 തന്നില്‍ വിശ്വസിക്കുന്നോര്‍ക്കായിട്ടഴി
വില്ലാത്ത മന്ദിരമൊരുക്കുവാനായി
എന്നുമവരോടിരിപ്പാനായ് സത്യാത്മാവേ
പകര്‍ന്നവര്‍ക്കു കൊടുപ്പാനായി
ഉന്നതന്‍ വലഭാഗത്തിരുന്നു പക്ഷവാദം
ചെയ്തു തന്നുടയോര്‍ക്കു മോചനം തന്നു രക്ഷിപ്പാനായി-
4 സേനയില്‍ കര്‍ത്തന്‍ പരിശുദ്ധന്‍ എന്നു
സ്വര്‍ഗ്ഗീയ സേനകള്‍ സ്തുതിച്ചു പാടവേ
വാനമാര്‍ന്ന ശിഷ്യര്‍ മുഖത്തില്‍ തിരു-
ക്കടാക്ഷം വീണുവിടര്‍ന്നു വിളങ്ങവേ
വാനവര്‍ സാക്ഷിനില്‍ക്കവേ മാനവര്‍ പാപം നീങ്ങവേ
കാണികള്‍ കാഴ്ചയില്‍നിന്നും വാനമേഘത്തില്‍ മറഞ്ഞു-
5 ഉന്നതദേവ മഹിമയും വിലയേറിയ രത്നകാന്തിക്കൊത്ത കതിരും
മിന്നിയ കണ്ണാടിപോലുള്ള തങ്ക വീഥിയും
എന്നുമഴിയാത്ത പണിയും എന്നുമാനന്ദവുമുള്ള
പൊന്നെരുശലേമും കൊണ്ടുവന്നു മോദത്തോടു സീയോന്‍
നന്ദിനിയെ ചേര്‍ത്തുകൊള്‍വാന്‍-
Download pdf