438. വാനവും ഭൂമിയുമാകവേ നീങ്ങിടും
1 വാനവും ഭൂമിയുമാകവേ നീങ്ങിടും
വാനവന്‍ തന്‍റെ വാക്കുകളോ
ന്യൂനതയെന്നിയെ സംസ്ഥിതി ചെയ്തിടും
നൂനമതൊന്നു താന്‍ നിത്യധനം-
2 സുസ്ഥിരമായൊരു വസ്തുവുമില്ലയീ
പൃത്ഥ്വിയിലെങ്ങും മര്‍ത്യനഹോ
ക്രിസ്തുവിലുണ്ടു സമസ്തസൗഭാഗ്യവും
അസ്ഥിരമല്ലിതു നിശ്ചയമേ-
3 വെള്ളിയും പൊന്നുമമൂല്യനിക്ഷേപവും
ഉള്ളില്‍ വിശ്രാന്തി നല്‍കിടുമോ?
ഭള്ളിവയില്‍ വളര്‍ത്തുന്നതു മൗഢ്യമാം
തെല്ലിടയ്ക്കുള്ളിവ സ്വപ്നസമം-
4 ജീവനും ഭാഗ്യവുമക്ഷയ തേജസ്സും
ഏവനും ദാനമായ് ലഭിക്കും
കാല്‍വറി ക്രൂശില്‍ മരിച്ച ക്രിസ്തേശുവിന്‍
പാവന നാമത്തില്‍ വിശ്വസിക്കില്‍-
Download pdf