1064. വാനമേഘത്തില്‍ വേഗം വന്നിടും
വാനമേഘത്തില്‍ വേഗം വന്നിടും പ്രാണനാഥനെ കാണുവാന്‍
ഉള്ളം വെമ്പുന്നേ ആശയേറുന്നേ കാന്താ വേഗം വന്നിടണേ
1 യുദ്ധഭീതികള്‍ എങ്ങും കേള്‍ക്കുന്നേ ക്ഷാമം വ്യാധി പടര്‍ന്നിടുന്നേ
ആശയില്ലാതെ പരിഭ്രാന്തരായ് ലോക ജാതികള്‍ കേഴുന്നേ-
2 അത്തിപോലുള്ള വൃക്ഷങ്ങള്‍ പൂത്തു അന്ത്യനാളുകള്‍ അടുത്തു
ആത്മനാഥനെ എതിരേല്‍ക്കുവാന്‍ ആശയോടെ ഒരുങ്ങിടാം നാം-
3 കര്‍ത്തൃകാഹളം കാതില്‍ കേള്‍ക്കാറായ് കര്‍ത്തനേശു വരാന്‍ കാലമായി
കാലാകാലമായ് മരിച്ചോരെല്ലാം ക്രിസ്തുവില്‍ ഉയര്‍ത്തിടാറായി-
4 സത്യസഭയെ ഉണര്‍ന്നിടുക വാനമേഘേ പറന്നീടുവാന്‍
ആണിപ്പാടേറ്റ നാഥന്‍റെ കരം കണ്ണുനീരെല്ലാം തുടയ്ക്കും
Download pdf