982. ആത്മനാഥനാഗമിപ്പാന്‍ ആസന്നമായ്
1 ആത്മനാഥനാഗമിപ്പാന്‍ ആസന്നമായ് ദിനങ്ങള്‍
ആടലകന്നാമോദാല്‍ വാണിടും യുഗായുഗങ്ങള്‍
നാഥനേശു വന്നിടും വാനമേഘ വാഹനേ
ചേരും നാം പ്രിയന്നരികില്‍ കാണും നാം നേരില്‍ നാഥനെ
2 കാഹളങ്ങള്‍ കേള്‍ക്കുവാനായ് കാതോര്‍ക്കുവിന്‍ നേരമായ്
കാലമേറെയില്ലിനിയും കാത്തിരിക്കാം കുതുകമോടെ-
3 കാലമെല്ലാം തീര്‍ന്നിടാറായ് കാന്തനേശു വന്നിടാറായ്
കണ്ണുനീരും തോര്‍ന്നിടാറായ് കാന്തയേ നീ ആനന്ദിക്ക-
4 ഉദിക്കാറായ് ഉദയതാരം ഉണര്‍ന്നിടാം സോദരരേ
ഉലയാതെയുലകില്‍ നാം ഉയര്‍ത്തിടാം യേശുവിനെ-
5 പ്രത്യാശാ നാടതിന്നായ് പ്രത്യാശയോടിഹത്തില്‍
പ്രതിവാസരം ഒരുങ്ങാം പ്രിയനാകുമശുവിന്നായ്-
Download pdf