Lyrics : G.P.1 വരുന്നു വേഗം യേശു രാജന് ഭരണം ഭൂമേല് ചെയ്തിടുവാന്
ദൈവികരാജ്യം സ്ഥാപിക്കുവാന് വരുന്നു വേഗം യേശുരാജന്
ആ....ആനന്ദമേ പരമാനന്ദമേ അന്നാളിലെന്തോരാനന്ദമേ
മനുവേല് മശിഹ നീതിയില് രാജനായ് -ഭൂ-
വാഴുമന്നാളിലെന്താനന്ദമേ
2 സാത്താനെ ബന്ധനം ചെയ്തിടുമേ ശാശ്വത ശാന്തി പകര്ന്നിടുമേ
സന്താപങ്ങള് പറന്നോടിടുമേ സത്ഭരണം ഭൂവിലായിടുമേ-
3 യുദ്ധവും ക്ഷാമവും ഭൂകമ്പവും ഉഗ്രജനങ്ങളിന് കൊലവിളിയും
ഭീകര വാഴ്ചയും മാറിടുമേ പ്രീതിയോടേവരും വസിച്ചിടുമേ-
4 മരുഭൂതലവും മലരണിയും വരണ്ടഭൂമയില് ഫലം പെരുകും
അനുഗ്രഹമാരിയാല് ജലം നിറയും അവനിയിലേശു വാണിടുമ്പോള്-
5 നിന്ദിതരും രക്തസാക്ഷികളും മന്നിതില് പാടുകളേറ്റവരും
പൊന്മുടി ചൂടിയന്നാര്ത്തു പാടി മന്നവന് ക്രിസ്തുവിന് കൂടെ വാഴും-
![](images/PDF.gif)
Download pdf