939. വരുന്നിതാ നാഥന്‍ വാഴുവാന്‍ ഭൂമൗ
വരുന്നിതാ നാഥന്‍ വാഴുവാന്‍ ഭൂമൗ
നിരന്ന തന്‍ പരിവാരപദവികളോടെ
1 നരന്നു വാഴ്വാന്‍ ഭൂമിയോരുക്കിനനാദിയില്‍
നരനുടെ മരണത്താല്‍ നടന്നില്ലതെന്നാല്‍-
2 നരസുതനായവന്‍ മരിച്ചുയര്‍ത്താകയാല്‍
ഭരണീ ഭൂമേല്‍ ചെയ്വാന്‍ ലഭിച്ചവകാശം-
3 പിതൃഭരണാസന-മവന്നുദേവന്‍ നല്‍കു-
മധിപനാമിവനെന്നു പ്രവചനമുണ്ട്-
4 ജരിച്ച ഭരണങ്ങള്‍ മറിച്ചു നീക്കിത്തന്‍റെ
വരിച്ച സതിയോടൊത്തു ഭരിച്ചിരുന്നീടാന്‍-
5 കഠിനനിയമങ്ങള്‍ തടവു ചെയ്തെങ്ങും താന്‍
കുടിലത വിട്ടു ധര്‍മ്മം നടത്തുവതിന്നായ്-
6 തന്നുടെ പേര്‍ക്കായി മന്നിലലഞ്ഞ തന്‍
നിന്ദിതജനങ്ങടെ നിലവിളി നീക്കാന്‍-
7 തിരുജനങ്ങള്‍ക്കേറ്റം ദുരിതമിയറ്റിയോ
രരികുലങ്ങള്‍ക്കു തക്ക പ്രതികാരം ചെയ്വാന്‍-
8 പരമപിതാവിന്‍റെ തിരുഹിതമൊത്തുഭൂ-
യെരുശലേംപുരി രാജനഗരമാക്കിടാന്‍-
Download pdf