943. വരിക വേഗം ദേവാ തവ തിരുജന
രീതി: അരുമതാതാ! നിന്‍റെ
വരിക വേഗം ദേവാ തവ
തിരുജനങ്ങള്‍ക്കുള്ള ദുരിതങ്ങള്‍ തീര്‍ക്കുവാന്‍-വരിക വേഗം
വരിക നീ ധരണിയില്‍ വേഗം വന്നു
തരിക നിന്‍ തിരുകൃപാസേകം ദിവ്യ
ഭരണം വരണം കരുണക്കടലേ കാന്താ നീ-
1 യുദ്ധശ്രുതികള്‍ കാതില്‍ മുഴങ്ങുന്നേ മര്‍ത്യര്‍
ക്രദ്ധവൈരികളായി പൊരുതുന്നേ ഇദ്ധരണീതലം ഹാ! നടുങ്ങുന്നേ
ക്ഷാമ ബദ്ധരായ് മര്‍ത്യരെല്ലാം കുഴങ്ങുന്നേ-നിന്‍റെ
വരവല്ലാതൊരു ഗതിയില്ല ദിവ്യ
ഭരണം വരണം കരുണക്കടലേ കാന്താ നീ-
2 കൊള്ളക്കാര്‍ പീഡനങ്ങള്‍ തുടരുന്നേ നിന്നെ
തള്ളിപ്പറഞ്ഞു പലര്‍ പിരിയുന്നേ പലര്‍ക്കുള്ളത്തിലെഴും സ്നേഹം
കുറയുന്നേ-നിന്‍റെ വരവല്ലാ-തൊരു ഗതിയില്ല ദിവ്യ
ഭരണം വരണം കരുണക്കടലേ കാന്താ നീ-
3 അത്തിവൃക്ഷം തളിര്‍ത്തു തുടങ്ങുന്നേ
വേനലടുത്തുപോയെന്നു ഞങ്ങള്‍ കരുതുന്നേ
അത്തല്‍ തീരുവാന്‍ ഞങ്ങള്‍ കൊതിക്കുന്നേ-നീയി-
ങ്ങടുക്കല്‍ വാതില്‍ക്കലായെന്നറിയുന്നേ-നിന്‍റെ
വരവല്ലാതൊരു ഗതിയില്ല ദിവ്യ
ഭരണം-വരണം-കരുണക്കടലേ കാന്താ നീ-
4 ശോകത്താല്‍ ഹൃദയം ഹാ! കലങ്ങാതെ ഞങ്ങള്‍
ലോകത്തിന്‍ മടിത്തട്ടില്‍ മയങ്ങാതെ ദുഷ്ടദാസരായ് ഞങ്ങള്‍
ഭവിക്കാതെ കൃപാ വൃഷ്ടി വര്‍ഷിക്കണം നീ കുറയാതെ നിന്‍റെ
വരവല്ലാതൊരു ഗതിയില്ല ദിവ്യ
ഭരണം-വരണം-കരുണക്കടലേ കാന്താ നീ-
Download pdf