1134. വന്നിടുവിന്‍- ഇപ്പോള്‍ വന്നിടുവിന്‍
വന്നിടുവിന്‍- ഇപ്പോള്‍ വന്നിടുവിന്‍ നിന്നെ യേശു വിളിക്കുന്നിതാ!
രക്ഷ തന്നിടുവാന്‍ മോക്ഷം നല്‍കിടുവാന്‍
യേശുക്രിസ്തു വിളിക്കുന്നിതാ!
1 വിണ്ണിന്‍മഹിമ വിട്ടു മണ്ണിലിറങ്ങി ഘോര
ക്രൂശില്‍ മരിച്ചുയിര്‍ത്തു രക്ഷകന്‍ ജീവിക്കുന്നു-
2 അദ്ധ്വാനിക്കുന്നവര്‍ക്കും ഭാരം ചുമക്കുന്നവര്‍ക്കും
ആശ്വാസം നല്‍കിടുവാന്‍ യേശു വിളിക്കുന്നിതാ-
3 സ്വര്‍ഗ്ഗത്തിന്‍ പാതയും താന്‍ സത്യവും ജീവനും താന്‍
ജീവന്‍റെ അപ്പവും താന്‍ ജീവനെ തന്നവന്‍ താന്‍-
4 മൃത്യു വരുന്നതിന്‍ മുന്‍ ക്രിസ്തുവിലാശ്രയിപ്പിന്‍
നിത്യമാം ദണ്ഡനത്തില്‍ നിത്യമുഴന്നിടാതെ-
5 യേശുവിന്‍ പാദേ വീണു പാപങ്ങളേറ്റു ചൊന്നാല്‍
പാപവിമോചനം താന്‍ തന്നിപ്പോള്‍ സ്വീകരിക്കും-
Download pdf