1 വന്നിടേണം യേശുനാഥാ! ഇന്നീയോഗമദ്ധ്യേ നീ
തന്നരുള്ക നിന് വരങ്ങള് നിന്സ്തുതി കൊണ്ടാടുവാന്
2 മന്നിടത്തില് വന്ന നാഥാ! പൊന്നു തിരുമേനിയേ!
നന്ദിയോടിതാ നിന് ദാസര് വന്നു നിന്നെ കുമ്പിടാന്
3 ആണിയേറ്റ പാടുകളെ കാണിച്ചിന്നീ ദാസരെ
നാണിക്കാത്ത സാക്ഷികളായ് തീര്ക്കണം എന്നേശുവേ
4 താതനാമെന് ദൈവമേ ശ്രീയേശുനാമം മൂലമേ
തന്നിടേണമാത്മദാനം പ്രാര്ത്ഥന ചെയ്തീടുവാന്
5 വൈരിയാം ജഡം പിശാചു ലോകമെന്നിവയിതാ
ഘോരസേനയോടു വന്നു പോരിനായ് മുതിര്ന്നഹോ
6 ഇത്ര വല്യസേനയോടെ തീര്പ്പതിനു ഞങ്ങളില്
ത്രാണിയേതുമില്ലാ കര്ത്താ പാദത്തില് വീണിടുന്നേന്
7 വിക്കനാകും മോശയെ നീ വാക്കിലേറ്റം ധീരനായ്
ആക്കിയല്ലോ നിന്കൃപാ വരങ്ങളാലെന് ദൈവമേ
8 ആടുകള്ക്കിടയനേ നിന് പൊന്നുനാദം കേട്ടിതാ
നാടുവിട്ടു വീടുവിട്ടു കൂട്ടം വിട്ടിറങ്ങിയേ
9 ഇസ്രയേലിന് ഗോത്രങ്ങള്ക്കു മുന്നടന്ന മേഘമേ
ഇന്നീ ദാസര് മുന്നടന്നു കാട്ടിടേണമേ വഴി
10 ഹല്ലേലുയ്യ യേശുവിനും താതനാത്മനെന്നുമേ
ഹല്ലേലുയ്യാ നിത്യകാലം നിത്യഗാനം പാടും ഞാന്-
![](images/PDF.gif)
Download pdf