180. വന്ദനം കര്‍ത്താധികര്‍ത്താവിനു
രീതി: യേശുവേ നിന്‍പാദം
വന്ദനം കര്‍ത്താധികര്‍ത്താവിനു
വന്ദനം നിത്യനാം രാജാവിനു
വന്ദനം, വന്ദനം, വന്ദനമേ
1 മന്നിതില്‍ വന്നവനെ ക്രൂശില്‍ മരിച്ചവനെ
മരണത്തെ വെന്നവന്‍ വിണ്ണില്‍ വസിക്കുന്നോന്‍
വീണ്ടും വരുന്നവനെ
വന്ദനം ചെയ്ക യേശുകര്‍ത്താവിനെ-
2 എന്നുടെ പാപമെല്ലാം തന്‍തിരുമേനിയതില്‍
എന്നേക്കുമായ് വഹിച്ചെന്നെ വിടുവിച്ച
തന്‍ സ്നേഹമാശ്ചര്യമേ
വന്ദനം ചെയ്ക യേശുകര്‍ത്താവിനെ-
3 എല്ലാ മഹത്വവും ഞാന്‍ തന്‍ മുമ്പിലര്‍പ്പിക്കുന്നേ
എല്ലാ മുഴങ്കലും മടങ്ങും തന്‍ മുമ്പില്‍
വല്ലഭന്‍ എന്നുമവന്‍
വന്ദനം ചെയ്ക യേശുകര്‍ത്താവിനെ-
4 വന്ദിച്ചു വാഴ്ത്തിടുവാന്‍ വീണു വണങ്ങിടുവാന്‍
മണ്ണിലും വിണ്ണിലും എന്നുമേ യോഗ്യനാം
മന്നവനേശുനാഥന്‍
വന്ദനം ചെയ്ക യേശുകര്‍ത്താവിനെ-
5 ഹല്ലേലുയ്യാ മഹത്വം വല്ലഭനേശുവിന്
അല്ലലെല്ലാമകറ്റിടുമെന്നേശുവി
ന്നല്ലേലുയ്യ, മഹത്വവും ഹല്ലേലുയ്യ
എന്നേശു കര്‍ത്താവിന്-
Download pdf