200. വന്ദനമേശു ദേവാ! വന്ദനം ജീ
വന്ദനമേശു ദേവാ! വന്ദനം ജീവനാഥാ!
വന്ദനം മന്നിടത്തില്‍ വന്ന ദയാപരനേ!
1 തങ്കനിണത്തില്‍ പാപ പങ്കം കഴുകിയെന്‍റെ
സങ്കടം തീര്‍ത്തവനേ നിന്‍കഴല്‍ കുമ്പിടുന്നേന്‍
2 നീചനാമെന്‍ പേര്‍ക്കായി നിന്ദകളേറ്റ ദേവാ!
നിസ്തുല കൃപാനിധേ, നിന്‍ സ്നേഹം നിസ്സീമമേ!-
3 ക്രൂര വേദനയേറ്റു ക്രൂശില്‍ മരിച്ചുയിര്‍ത്തു
ഘോര മരണഭയം തീരെ തകര്‍ത്തവനേ!-
4 നിന്ദ്യ സാത്താന്യ നുക ബന്ധിതരായവര്‍ക്കു
നിത്യസ്വാതന്ത്ര്യം നാഥാ! നീ വിളംബരം ചെയ്തു
5 പാപിയെത്തേടി വന്ന പാവനരൂപാ ദേവാ!
പാദം പണിയുമെന്നെ പാലനം ചെയ്ക നാഥാ!-
Download pdf