545. ലോകമാം ഗംഭീരവാരിധിയില്‍ വി
1 ലോകമാം ഗംഭീരവാരിധിയില്‍ വിശ്വാസക്കപ്പലിലോടിയിട്ട്
നിത്യവീടൊന്നുണ്ടവിടെയെത്തി കര്‍ത്തനോടുകൂടെ വിശ്രമിക്കും
യാത്ര ചെയ്യും ഞാന്‍ ക്രൂശെ നോക്കി
യൂദ്ധം ചെയ്യും ഞാനേശുവിന്നായ്
ജീവന്‍ വച്ചിടും രക്ഷകനായ് അന്ത്യശ്വാസം വരെയും
2 കാലം കഴിയുന്നു നാള്‍കള്‍ പോയി കര്‍ത്താവിന്‍ വരവു സമീപമായ്
മഹത്ത്വനാമത്തെകീര്‍ത്തിപ്പാനായ് ശക്തീകരിക്ക നിന്‍ ആത്മാവിനാല്‍
3 ഞെരുക്കത്തിന്‍ അപ്പം ഞാന്‍ തിന്നെന്നാലും
കഷ്ടത്തിന്‍ കണ്ണുനീര്‍ കുടിച്ചെന്നാലും
ദേഹിദു:ഖത്താല്‍ ക്ഷയിച്ചെന്നാലും എല്ലാം പ്രതികൂലമായെന്നാലും
4 ലോകം ത്യജിച്ചതാം സിദ്ധന്‍മാരും നിര്‍മ്മല ജ്യോതിസ്സാം ദൂതന്‍മാരും
രക്തസാക്ഷികളാം സ്നേഹിതരും സ്വാഗതം ചെയ്യും മഹല്‍സദസ്സില്‍
5 വീണ്ടെടുപ്പിന്‍ ഗാനം പാടി വാഴ്ത്തി രക്ഷകനേശുവെ കുമ്പിടും ഞാന്‍
കഷ്ടത തുഷ്ടിയായ് ആസ്വദിക്കും സാധുക്കള്‍ മക്കള്‍ക്കീ ഭാഗ്യം ലഭ്യം
Download pdf