Lyrics : M.E.C.രാജാധി രാജാവു നീ കര്ത്താധി കര്ത്താവും നീ
ദേവാധി ദേവന് നീയേ യേശുവെയന് സര്വ്വവും
നീയേയെന് സമ്പത്തു സംതൃപ്തി സങ്കേതം
നീയേയെന് സൗഭാഗ്യം സന്തോഷം സംഗീതം-
1 അത്യന്തം സ്തുത്യന് നീയത്യുന്നതന്
നിത്യവും നിന്നെ ഞാന് വാഴ്ത്തും നാഥാ
കൃത്യങ്ങള് നിന്നുടെയത്ഭുതങ്ങള്
കൃത്യമായോര്ത്തു ഞാന് സ്തോത്രം ചെയ്യും-
2 ശോകം കലരാത്ത സന്തോഷവും
ലോകം തരാത്ത സമാധാനവും
ദാഹം വരാതുളള വെള്ളവും നീ
നല്കും നിന്നാശ്രിതര്ക്കാവശ്യം പോല്-
3 തീരാത്ത സ്നേഹം നിന് സ്നേഹം മാത്രം
മാറാത്ത കര്ത്താവും നീ മാത്രമാം
തോരാത്ത കണ്ണീര് തുടയ്ക്കും നിന് കൈയ്
ചാരത്തു നീ വന്നെന് ഭീതി നീക്കും-
4 കൂടാരവാസം കഴിഞ്ഞു നിന്റെ കൂടെ ഞാന് പാര്ക്കുന്ന നാളോര്ക്കവേ
കൂടുന്നെന്നുള്ളില് പ്രത്യാശയതാല്
പാടുന്നു ഞാന് പുത്തന് പല്ലവികള്-
![](images/PDF.gif)
Download pdf