Lyrics : K.V.Sരീതി: എന്തതിശയമേ
രക്ഷ തരുന്നൊരു ദൈവത്തിന് കൈകള്
നിര്ദ്ദയെന്ന വിധം-തോന്നും
ശിക്ഷണമായവന് ചെയ്തിടുമ്പോള് ബഹു
കര്ക്കശമായ് വിളങ്ങും
1 ഭീരുതയാല് പരിശോധനയിനിമേല്
വേണ്ടയെന്നോതിടും നാം -എന്നാല്
പാരിന്നധീശ്വരന് കാരുണ്യവനെന്നു
കണ്ടിടും നാമൊടുവില്-
2 സഹ്യമല്ലൊട്ടുമേ വേദനയെന്നിഹ
കല്ലുകള് ചൊല്ലുകിലും-അവ
മന്ദിരത്തിന് പണിക്കൊത്തിടുവാനതു
ചെത്തുന്നു ശില്പ്പിവരന്-
3 രൂപമില്ലാ വെറും കല്ലിതു മന്ദിരേ
യുക്തവും ചന്തവുമായ്-ചേര്ന്നു
നിത്യയുഗം നിലനില്ക്കുവാനീ വിധം
ചെത്തുന്നു ശില്പ്പിവരന്-
4 കാല്കളിന് കീഴ്മെതിയുണ്ടു കിടന്നിടും
കറ്റയാം തന്റെ ജനം-പീഡാ
കാലമതില് കനകാഭ കലര്ന്നിടും
നന്മണികള് തരുമേ-
5 മര്ദ്ദനമേല്ക്കവേ ശോഭയെഴും രസം
മുന്തിരി നല്കിടുമേ-ദൈവം
മര്ത്യനാമെന്നുടെയോഹരിയാകുകില്
സത്ഫലമേയെനിക്കു-
6 ഏഴുമടങ്ങെഴും ചൂളയിലാകിലോ
കീടമെല്ലാമുരുകി ശുദ്ധ
പൊന്നുപൊലാകും ഞാന് ദൈവമേ നിന്വിധി
ന്യായവും സത്യവുമേ-
![](images/PDF.gif)
Download pdf